電視嘅出現,可以話係大眾傳播媒體上一大突破。當年,只要你有一部電視,左鄰右里都自不然會蜂擁而至,你屋企亦好容易就變得熱鬧。時至今日,互聯網嘅出現令多數人少咗共聚一堂欣賞節目嘅時光,但電視仍然係客廳嘅靈魂,唔信? 聽完我條問題你就會明,我問你: 雞蛋六隻,糖呢就兩茶匙,仲有啲咩?

 

 

「碌架床」可能同雙層巴士一樣,相信全世界都冇咩國家會有,或者話係冇咩國家需要至真。係香港,碌架床可能係一家四五六口就一定需要配備嘅傢俬,始終空間有限,對大家庭來說,每人都擁有一間睡房絕對是一件奢侈嘅事。時至今日,香港已經發明咗相信係全世界獨有嘅一廳單位,換句話說即係連房都冇。面對咁艱鉅嘅空間問題,Transformer 變形床應運而生,將書檯同床合而為一,騰出空間應付日常生活,另一款式更可將雙人床與衣櫃合而為一,增加收納空間。

 

 

當屋企空間愈嚟愈細,傢俬自自然然就要買細D,但細細張嘅檯又坐唔曬一家人,唔似得以前,一家人齊齊整整坐埋一檯,不知幾溫馨‧依家有升降開合餐檯,配合油壓式升降,可以調較唔同高度,檯面仲可以開合,平日唔齊人就合埋佢用細檯,到大時大節一家人咪可以開大檯食飯,慳位得嚟又實用,仲要靈活得嚟又自由。。

 

 

梳化可以話係一個家嘅靈魂,亦係每個家庭聚首嘅地方。以前嘅實木梳化,坐嘅時候一定腰板挺直坐定定,否則就好容易腰酸背痛。 時至今日,梳化進化到舒服又實用,種類繁多得黎就算你要求多多都滿足得到! 如果你要經常招呼朋友,梳化床絕對係你不二之選; 要一物多用可以揀儲物功能嘅梳化床; 如果你想有天皇般嘅享受,可以挑選彈鉸或電動彈鉸梳化,後者更可以自行調較躺臥角度,部分款式更提供 USB 充電插頭,即使係低頭族都可以照顧周到!